نويت اعبّر واكتب حروف ٍ جزال=
لك انت ياللي تملك القلب والعين
يأغلى البشر حبك معي حي مازال=
ماهمني هرج العواذل والادنيـن
والله ماتغير ولو ذا الهجر طـال=
وماحب غيرك جنس ياكامل الزين
ماسمع ولا اوحي فيك من قال لو قال=
غلاك وسط القلب مايشوفه اثنين
يالله عساك بخير ياطيب الفال=
اخاف بس يحول من دونك البين
يبقى الوفا طبعي على كل الاحـوال=
اعطيك زين الوقت واتقبل الشيـن
باقولها مـن دون تبريـر وجـدال=
بامشي معك من دون ماقول لك وين
سكنت وسط القلب والروح والبال=
ولاجلك وهبت العمر لو يلحقه دين
